池水非最高播毒黑點？！康文署明起重開大部分康樂設施　西班牙研究發現泳池內依度風險最高！

香港政府有監於近日新冠肺炎確診人數下降，近日就宣布將於5月21日重開已關閉超過3個月大部分嘅康文署康樂設施，其中包括公眾游泳池的主池及副池、健身室及燒烤場、部分分區圖書館等。

加上夏天天氣炎熱，唔少人都會選擇到泳池/海灘游水消暑。但到底喺水中同泳池/海灘內嘅其他地方又有咩地方暗藏播毒風險？

Photo from 康樂及文化事務署

早前西班牙就有一個由7位科學中心專家組成嘅研究團隊研究指，分析病毒於泳池、泳灘或桑拿室嘅傳播風險。

研究指泳池水並播毒風險並非最高，原因係一般用於游泳池嘅消毒劑，例如氯已具有消滅病毒功效。

Photo from 康樂及文化事務署

至於泳灘，就因為海水中嘅鹽分有助減低病毒活躍度，減低傳染能力，海水本身具有稀釋物質能力，因而會降低病毒濃度，所以難以透過海水播毒。

Photo from 康樂及文化事務署

但原來喺泳池/泳灘內嘅依度都有傳播病毒的風險，指嘅就係更衣室呀！因為病毒有可能會透過接觸沐浴設施來傳播，如有患者咳嗽、打噴嚏都有播毒嘅可能，加上此處容易出現人群聚集，令傳播風險更高。

Photo from shutterstock

因此專家提醒，大家喺使用時應注意個人衛生，就算喺泳灘、泳池都要做足防疫措施。

Photo from shutterstock

另外，病毒喺河流、湖泊、淡水或未經處理嘅水中嘅存活率則較游泳池水和鹽水高，所以都唔可以掉以輕心。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）